نكت مصرية
جمعتها لكم من منتديات مصرية ، مع صور غير تقليدية
************************************************** **********
فى عيد الأضحى طلب حسنى مبارك من حبيب العادلى عشر خرفان عشان ينقى منهم خروف يضحى بيه فى العيد ..
بعد تلات تيام جابله خروف متعور ومتبهدل خالص ..
فقاله : إيه ده يا حبيب .. جايبلى خروف حالته بالبلا ..
فقاله : ده اللى فضل صاحى بعد التحقيقات يا فندم ..
قاله : طب وباقى الخرفان ..
فرد حبيب : طلعوا إخوان مسلمين يا فندم !!!!
_____________
مبارك ماشي في الصحرا شاف تمثال ،
قال لحبيب العادلي شوفلي التمثال ده بتاع مين يا حبيب ،
ربع ساعة رجعله حبيب العادلي و قاله : ده رمسيس التاني يا فندم ،
مبارك قاله : عرفت منين ، العادلي رد : اعترف يا فندم
_________________
بيقولك واحد تانى لقى الفانوس السحرى ده دعكه طلعله العفريت وقاله : شبيك لبيك تطلب أيه قاله الراجل : أنا عايز كوبرى بين القاهره وأسوان
العفريت قاله : دى صعبه قوى نقى حاجه تانيه
الراجل قاله : خلاص خلى حسنى مبارك يسيب الحكم ؛
العفريت قاله : أنت عايز الكوبرى رايح جاى ولا رايح بس
___________________
مرة واحد ركب تاكسي ولقي السواق معلق في العربية صور جمال عبد الناصر وانور السادات وحسني مبارك
الراجل استغرب سال السواق مين اللي انت معلق صورهم عندك
قالة دا جمال عبد الناصر الزعيم المصري الراحل
ودا انور السادات قائد حركة السلام والامن في البلد
ودا حسني مبارك أبو علاء شريكي في التاكسي
______________________
بيقولك فى عيد ميلاد حفيد حسنى مبارك ..كل وزير جابله هدية ..
اللى جابله طيارة لعبة ..
واللى جابله مسدس مية ..
حبييب العادلى جابله تلات عربيات أمن مركزى وأربع مخبرين لعبة.
____________________
بيقولك مره شيخ اتمسك فى امن الدوله و سابوه
فامن الدوله مراقبينه . اول يوم لقوه ماشى فى شارع
الهرم راحوا مكلمين الريس و قالوله الشيخ تاب ياريس
تانى يوم لقوه فى كباريه قالوا الشيخ تاب و اناب ياريس
تالت يوم لقوه فى الاتوبيس بيسرق واحد قالوا الشيخ تاب
و اناب و بقى من الحزب الوطنى ياريس
_______________________
ذهب نظيف عندما كان نائبا الى
نزهة فوجد تمثالا للجندي المجهول يقف ممسكاً ببندقيته فاقترب منه وأخذ يتأمله،
فقال له التمثال : لقد تعبت من الوقوف فأحضر لي حصاناً أركب عليه،
فتعجب نظيف مما حدث ، وعندما عاد أخبر مبارك بما جرى، فلم يصدقه ، وطلب من نائبه أن يذهب سوياً للتحقق من الأمر وعندما وصل نظيف ومبارك واقتربا من التمثال قال
التمثال لنظيف : لقد طلبت منك حصاناً وليس حماراً
________________________
بيقولك جمال مبارك بعد الخطوبة ..أبوه حب يضمنله مستقبله ..جابله عقد عمل فى السعودية ..وشغلوه برضه ابن رئيس جمهورية بالساعة.
_______________________
حوار بين حسني مبارك وعاطف عبيد ) عندما حصل زلزال في مصر)
كان حسني في فرنسا وا اتصل عليه عاطف واليكم الحوار/
عاطف : الو الحق يا ريس مصر اتعرضت لزالزال
حسني مبارك : روح اتصرف اي حاجة يا عاطف انا مش فاضي دلوقتي !
عاطف: الو الحق يا ريس كتروا ضحايا الزلزال ومرميين في كل حتة اعمل ايه يا ريس ؟
حسني : وبعدين معاك يا عاطف اتصرف اي حاجة وانا عينتك وزير ليه ؟ روح اتصرف اي حاجة
عاطف : الو الحق يا ريس دا السعودية بعتت 70 مليون ريال
حسني مبارك: ما تصرفشي حاجة يا عاطف انا جاي دلوقتي
______________________
بعد وقوع الطائرة المصرية في اميركا ..
هاجت وثارة مصر وطالبوا بإستخراج الصندوق الاسود لمعرفة السبب ..
فأنتقل الريس بطعامتوا الى مدمرة مصرية في موقع سقوط الطائرة ..
وأمر الضفادع البحرية بالنزول لحطام الطائرة واستخراج الصندوق الاسود ..
وبعد ان غطسوا لمدة تلاتة ايام قال لهم الريس :
لو ما لقيتوش الصندوق الاسود المرة دي حخلي يومكم اسود قطران ..
فغطسوا وبعد مرور ستة ساعات ضهروا مبسوطين يصرخون قائلين:
)) لقيناه ياريس .. لقيناة ياريس )) .. وبعد أن فتح الصندوق وجدوة فارغا
الا من ورقة صغيرة كتب عليها (( نعم لمبارك )) .. السمك انتخب الريس
_________________________
استلم مبارك تقرير من الشئون الاجتماعية والمخابرات
بيقول ان الشعب ناقم على رئيس الجمهورية
فقال انا لازم اتخفى وانزل اجس نبض الشعب ..
فلبس ملابس معلم صعيدي ونزل ناحية ترب سلاح سالم والمقابر
فشاف اربع حشاشين بيشربوا جوزة حشيش
فسلم عليهم وقالهم ممكن احشش معكم
قالولو اتفضل وقدمولوا الجوزة وشرب معهم كم نفس
المهم سألهم مبارك ثلاثة اسألة ؟؟
السؤال الأول: اية رأيكم في وزير الداخلية ؟؟
قالولو : دة واحد مجرب ابن كلب نازل حبس وبهدلة
في الشعب المصري وبيصادر المزاج مننا
السؤال الثاني : اية رأيكم في رئيس مجلس الوزراء؟
قالولو: دة اكبر حرامي في مصر ؟
السؤال الثالث: اية رأيكم في الريس مبارك ؟
قالولو: ماهو دة شيخ المنظر اللي بيشتغلوا كل الحرامية لحسابو ..
وبعدين قالوا : الا صحيح أنت ماعرفتنا بنفسك ؟
قالهم : أنا الريس حسني مبارك
فضحكوا وقالوا : ااااااااية هو أنت من أول نفس اتسطلت
________________________
مرة تم عمل استفتاء لتعديل الدستور
وتم اخذالموظفين لعمل اقتراع على التعديل
احد الموظفين جاتله نوبة شجاعة وكتب لا
ولما رجع زميله بيسأله انت كتبت ايه ؟
قال له كتبت لا
قال له انت مجنون هتودى نفسك فى داهية ارجع بسرعة وغيرها
فرجع تانى للجنة وبيسأل رئيس اللجنة عن تصويته فين علشان يغيره
قام رئيس اللجنة شد ه من ودانه وقال له بص احنا خدنا بالنا المرة دى وغيرناها لنعم خد بالك انت المرة الجاية والا انت حر
_____________________
مرة وصل بوش في زيارة لمصر واستقبلو مبارك وعملولو الاستقبال الرسمي
ثم وصل جمال مبارك بسيارة مرسيدس سودازجاجها مفيم بالاسود
وجلس بوش ومبارك في المقعد الخلفي ..
جمال مسك خط صلاح سالم وسحب بسرعة فوق ال 200 كيلو بالساعة
لحقهم موتوسيكل عسكري مرور صعيدي
ووقفهم ونزل يكلم جمال مبارك
العسكري : الرخص
جمال مبارك : انت مش عارف بتكلم مين ياولد ؟؟
العسكري : مابلاش الحركات دي يابن ابوي دحنا شبعنا منها ياولاد الاية؟؟
جمال مبارك : انت اتجننت دنا حخرب بيتك؟؟
طلع المسدس وحطو في راس جمال مبارك وهددور وقالو :
العسكري : لو عملت اي حركة غدر وماطلعتش الرخص حطخك ياويلد !!
جمال مبارك : طيب بلاش ماعرفتنيش انا .. طب بص وراك شوف مين جالس ورا
نظر العسكري لبوش ومبارك في المقعد الخلفي ثم صرخ بجمال مبارك
العسكري : وكمان شغال في السياحة بدون رخصة من السياحة!!
دنت وقعتك مقندلة
______________________
علاء مبارك شارك في من سيربح المليون ......
وصل لآخر سؤال، السؤال: من هو أكبر حرامي في مصر ؟
طلب مساعدة صديق واتصل بأخوه جمال وقاله السؤال
رد عليه أخوه: انسحب باللي كسبتوا وما تخسرش أبوك!!
______________________
بعد ما الرئيس مبارك مات وبدأ يتعذب جم خيّروه بين 3 طرق تعذيب:
1- يتعذب انجليزى يعنى ساعه جلد وساعه حرق وباقى اليوم راحة
2- يتعذب امريكانى 6 ساعات جلد و6 ساعات حرق وباقى اليوم راحة
3- يتعذب مصرى يعنى 12 ساعه جلد و12 ساعه حرق ومفيش راحة
هواختار الطريقة الانجليزى
فبعد اول يوم تعذيب
شاف كمال الشاذلى معدى
بيقولوا :انت بتتعذب ازاى؟
قاله : مصرى
قاله : طب ده مفيش راحة
قاله : لااااااااا أصل
الفرن قافل والجلاد مجاش
______________________
حسنى مبارك اتصل على لشيخ الأزهر متعكنن جدا .وقاله :يا سيد أنا كل كام يوم نفسى بتهفنى على كاس أو اتنين وسمعت ان الخمرة حرام ..اتصرف ..راح شيخ الأزهر قاله : ابقى اشربها على وضوء يا ريس.
________________________
يقال ان السيد الرئيس كان مسافرا ذات مرة و راكبا الطائرة
فرأى مصر من فوووق اوى و شاهد خطوطا طويلة سوداء تملأ مصر كلها
فسأل رئيس وزرائه :
- ايه يا نظيف ده ؟ ايه الخطوط السوداء ديه ؟
- دى طوابير يا فندم ! طوابير عيش !
- ايه ده ! هو الشعب لسه معاه يشترى عيش
_______________________
مره واحد مصرى راح يصطاد قعد لحد مجاب سمكه كبيره واخدها وراح البيت فرحان اوى وقال لمراته اقليها قالت له منين الزيت غلى خالص ومعنديش
قالها طب اشويها قالت له منين الدقيق بقه نار
فالراجل اتغاظ وقام اخد السمكه وراح رماها فى البحر تانى قامت السمكه قاعده تجرى وتقول
تحيا جمهورية مصر العربيه
_______________________
مره واحد لقى فانوس فقعد يدعك فيه طلع العفريت سرق التلاجه ودخل
فدعكه تانى طلع سرق التلفزيون ودخل
فدعكه تالت طلع سرق البوتجاز ودخل
فدعكه رابع اول ماطلع مسكه
قاله تعالا هنا كان زمان الواحد يدعك الفانوس يقوله شبيك لبيك انت بتطلع تسر قنى قاله يا حبيبى التانى فانوس علاء الدين لكن ده فانوس علاء مبارك
[ إذا كنت لا تقرأ إلا ما يُعجبك فقط .. فإنك لن تتعلم أبداً ]
استغفر الله العظيم الذي لا إله إلا هو الحي القيوم وأتوب إليه
منقوله
